新西兰天维网社区

标题: 上海话版《出师表》 [打印本页]

作者: lui 时间: 2010-3-18 20:29:28 标题: 上海话版《出师表》

拿老邦跑单帮跑到一半就翘老三了，现在码头上七零八落，益州格地方么一天世界，实在是眼眼角碰到眼眼角了。还算好，屋里厢两额阿姨娘舅蛮要俄，外头拼子老命俄朋友蛮肯俄，残是因为拿老邦老早待伊拉好了伐得了，先在大嘎想要帮帮忙。现在个辰光，侬多听宁家刚刚，阿算帮拿老邦争气，让阿拉么啊好摇头晃脑。侬伐好伐拿自家当回事体，闲话么伐要乱刚，个能么人家就伐睬侬了。

亭子间客堂间，总归残是间；好宁嗒甜头坏宁吃排头，伐好瞎来来；假思有坏宁搞七泥三，有好宁学雷锋，侬总归要让宁家管事体俄宁来管，个么大家残刚侬手心手背残是肉，一碗水端得煞煞平。侬伐好自家欢喜自家瞎来，个么里厢外头就瘫板交关了。
像郭攸之、费祎、董允格几额朋友，残是好宁，对阿拉码头俄事体上心额，所以刚拿老邦看向伊拉，专门让伊拉为侬则小逼样子跑腿俄。吾觉着，屋里厢俄事体，大大小小俄残好问问伊拉，随后侬搞定，个么就伐会马大哈，大家闲话多刚刚总归是好事体。
向宠个俄宁呢，宁倒是蛮乖俄，打起来么辣手俄，老早拿老邦就刚伊凶来。所以刚阿拉残觉着，伊做督头蛮好俄。吾觉着，码头郎相俄事体，侬多起问问伊，个么一帮子打手啊舒意一眼。

老早阿拉屋里有钞票，因为朋友多，吃客少；后来阿拉屋里厢吃客多，朋友少，就败宁家了。拿老邦活了海俄辰光，每汤跟吾刚起来，残觉着桓、灵两只老宗生伐是东西。侍中、尚书、长史、参军，各邦宁是好料，侬多跟伊拉嘎嘎，个么阿拉屋里厢就有得好搞搞。

吾老早么是小三子，登了十六铺卖卖茶叶蛋，现在码头郎噶乱俄，我过过小日脚么算数。后来拿老邦伐当吾是小疤瘌子，专门跑到吾各的切茶叶蛋，一切切三只，唉问吾：“朋友，今朝股票哪能？”我觉着各俄宁是模子，就帮伊一道跑单帮。后来阿拉挂三了，我又帮伊挑大梁，掮木梢，算起来么啊有廿一年了。

拿老邦晓得吾各俄宁蛮当心俄，所以翘特之前跟吾刚：“盘子高把侬了。”自从接了盘子，吾是天天叹苦经，只怕自家搞僵特，个么拿老邦阿么米空。所以刚我五月份俄辰光跑到卢浦大桥去，个地方连发廊啊么俄。现在南面是唔啥啥了，棒头榔头啊残有了，个么阿拉请大家触祭一顿，到北面搞一记。吾个俄宁本事么撒，但是良心是好俄，总归要拿坏宁弄弄杀，拿汉朝搞搞好，回去过好日脚。个么吾一来对得起拿老邦，两来啊对得起侬则小赤佬。刚闲话个种事体么，就让攸之、祎、允陪侬。

吴希望侬让吾去拼记，拼伐出么侬就怪吾好咧，算是对拿老邦有交代。假思么宁帮侬刚好闲话，个么侬就去骂攸之、祎、允个排小瘪三。侬么自家啊要想想清爽，闲话么捡有道理俄听，听拿老邦俄教训，个么吾啊算开心了。

现在吾么要跑路了，看看跟侬写俄信么，有眼哭逼带脸了。

作者: lui 时间: 2010-3-18 20:30:20

不知道这里有米有上海人啊鉴定一下如果是胡扯的就麻烦BZ删了

作者: hitye 时间: 2010-3-18 20:31:28

上海话说说就罢了。。长篇大论这么一篇。。一会普通话一会又用谐音。。把人累个半死

作者: lui 时间: 2010-3-18 20:46:17

那就麻烦BZ了

作者: 严重缺乏安全感 时间: 2010-3-18 21:54:40

kan de you di qi li, bu guo ku yi kuan dong.

欢迎光临新西兰天维网社区 (http://bbs.skytrade.co.nz/)