|
中國今晚會喺武漢同「全白兵團」新西蘭進行熱身賽，而另一支打着「中國二隊」旗號嘅代表隊，則會於明日作客哥斯達黎加。值得留意係主教練高洪波會親自率領「二隊」出戰，陣中包括老大哥鄭智及七名亞洲盃國腳，中國重視邊場波多啲，請大家自行判斷。 （周五晚7時35分開賽）
中國一早已安排咗喺武漢對新西蘭及洪都拉斯兩場熱身賽，何解又山長水遠作客哥斯達黎加？無他嘅，因為呢場波係慶祝哥斯達黎加國家體育場正式揭幕，仲要係中國政府畀錢，肩負咁重要嘅外交任務，梗係唔踢唔得。
教練主力去晒哥斯達黎加
本來中國足協打算派國青參賽，點知畀「阿公」洞悉後覺得唔畀面，喺國家利益大於一切前提下，實力本身唔高嘅中國隊焗住要一分為二，為咗體面，主教練高洪波率領「二隊」遠征哥斯達黎加，今晚對新西蘭無緣督師。
將一隊國家隊一分為二，中國唔係首次，當年人才濟濟嘅阿根廷都試過咁做，中國當然冇阿根廷咁勁，江湖傳聞只係中國足協擺烏龍，所以先搞出呢個大頭佛。無論如何，失去鄭智、曲波、郜林、楊昊及張琳芃等人，中國實力已大為削弱，未開波已自斷一臂！
雖然中國為增強實力，重召老將李瑋峰歸隊，不過現任天津教練及前中國主帥阿里漢講咗一句好精警嘅說話，就係主教練都唔喺度仲踢乜鬼？唔好忘記中國今仗對手新西蘭係去年世界盃決賽周唯一一支不敗球隊，仲勁過冠軍西班牙，樂比仔好想知中國憑乜讓新西蘭，簡單捧「讓球客勝」。
| 
夫以銅為鏡,可以正衣冠;以古為鏡,可以知興替;以人為鏡,可以明得失.
发表于 2011-3-25 19:35:40
分享
收藏
