麵包與愛情 一切從瑞士開始

爱国爱港

提起瑞士，吃貨如我第一時間會諗起芝士火鍋或朱古力。但對於 food allee GALLERY 的老闆趙燕湄（Yin）來說，瑞士菜不只這些，而是事業與愛情的開始。

跟許多開餐廳的女孩一樣，food allee GALLERY 的老闆趙燕湄（Yin）自小對廚藝都有興趣，從小到大跟婆婆及嫲嫲學得一手好廚藝，潮州菜和港式家常菜都懂，每逢過年都親自炮製薯仔糕（潮洲過年必食）。她在大專修讀設計，一次偶然機會，出走瑞士，竟然一去 10 年。「當時妹妹想去瑞士開眼界，怕她一個人有危險，最初諗住陪佢去，點知係自己留低生活。」就像最老套的橋段，陪人選美，自己當選，發生在她身上。

瑞士情緣
令 Yin 留在瑞士，並不是瑞士的生活或食物，而是一段瑞士情緣。「當時識到瑞士男朋友，年輕嘛！好有衝勁去識多啲，所以決定留喺瑞士。」她說。在瑞士蘇黎世留學兼工作 10 年，一邊學習德文，又與同學交換食譜，順便當會話練習，一邊跟男朋友的媽媽學瑞士家常菜。「瑞士分德法意及羅曼等語區，而我住的是德區，主食都是以芝士、薯仔及麵包為主，size 大大份，賣相唔太討好，但味道不錯。」回港後，她決定將平平無奇的瑞士家常菜，變成賣相味道兼備的好菜。

由開始到瑞士生活到現在，這本記事簿記錄 Yin 這些年的烹飪心得及食譜。
將瑞士家常菜帶來香港
雖然在瑞士生活 10 年，但每逢大時大節，收到家人的短訊或相片，總會思鄉發作，加上 2008 年參與奧運馬術義工關係，決心回港發展。她說：「可能人大咗，會好掛住屋企，有段時間掛到唔想再留喺瑞士。」不過，回到熟悉的地方，卻有種生疏感，更不知將來的路要怎樣走。「返嚟香港，所有嘢都要重新適應，與人之間嘅溝通、生活模式轉變，甚至乎語言，有段時間覺得好迷茫。」後來與朋友聚會，親自下廚炮製瑞士家常菜，朋友試過她的廚藝，始發覺瑞士菜原來不只芝士火鍋，更鼓勵她做私房菜。

「一切從零開始，地方、裝潢、食材，甚至乎如何營運及宣傳都係自己慢慢摸索，真係唔容易。」與朋友合用新蒲崗工廈的單位，主力發展瑞士家常私房菜，期間更嘗試過做 wedding planer 及設計等工作，最終她發覺還是專心發展廚藝更適合自己。

不只私房菜咁簡單
Yin 說，大家經常誤會她做的是私房菜，其實是 Private chef sevice，即廚師到會，廚師到客人家中烹調，又或由她來提供場地及食物，她既充當活動搞手，又是廚師，有時亦會分身做埋活動 MC，是一種多元化的餐飲服務。

food allee GALLERY 擺放不少經她一手策劃的藝術品，感覺似一間 art gallery。
「覺得餐飲不應該局限在一個框框，應該可以更多元化。在過程中，我認識咗好多餐飲業組織及品牌公關，大家互相分享，其實推銷產品，可以更新穎更好玩。」她說。除了做 Privat chef，透過與不同單位合作，舉行交流活動，將自己曾經修讀設計的美學與經驗，放在食事上。

「好似一般試酒會形式都大同小異，都是一次過要你試盡品牌旗下的酒，有些酒商則會構思另類試酒會，舉行品酒與 art 的 crossover 活動，加入繪畫元素，變成既是畫廊又是 dinning 的活動。」food allee 做的是一個關於食的GALLERY，更把地方移師到灣仔的堅彌地街（即藍屋附近），將飲食與生活融為一體，發展更多可能性。

教你做！瑞士人 Tea time 必吃
除了分享創業經歷，訪問當天，Yin 更即席炮製一般瑞士家常菜，就好似 Russenzopf（德文） 包。「我居住的德區，一般家庭都以麵包為主食，今次介紹呢款 Russenzopf，就係當地人午餐或 tea time 必食。」食落荳蔻味非常香濃，加上杏甫果醬的甜味，食唔停口。


Russenzopf（德文）/ 俄羅斯辮子包（中文）
材料
牛奶（暖） 250 毫升
酵母粉 12 毫克
糖 100 克
鹽 1/2 茶匙
小荳蔻粉（可用小荳蔻種子即磨） 1/2 湯匙
雞蛋 1 隻
麵粉 800 克
室溫牛油 100 克

餡料
室溫牛油 25 克
杏甫果醬 150 克
杏仁碎 / 榛子碎 150 克

做法
1 先將加熱的牛奶、酵母粉、小荳蔻粉、麵粉及牛油續少拌勻，再加入糖、鹽及雞蛋搓成麵團，用濕布蓋好，待發酵至 double size。
2 將麵團壓力長方形，再塗上預先調校好的餡料，將其做成辮子形狀，放在焗爐焗 45 分鐘即成。

買得到！瑞士聖誕曲奇
每逢聖誕，YIN 都會親自炮製瑞士小食在網上發售，好似迷迭香胡桃及手造瑞士聖誕曲奇（Housegemachte Schweizerische Weihnachtsguetzli 德文），想過一個滿有氣氛的聖誕節，不妨買嚟試試！

迷迭香胡桃（Geröstete Pekannuss mit Rosemarie） $98/ 盒（100 克）、$148/ 盒（200 克）
未食已經閒到好香的迷迭香味，食落有陣陣黑糖香，加上胡桃夠香脆，食唔停口。

手造瑞士聖誕曲奇（Housegemachte Schweizerische Weihnachtsguetzli） $98/ 盒（150 克）
Yin 笑說呢款瑞士聖誕曲奇，每個家庭一到聖誕都會做，而且食到新年。一盒混合多種口味，如香橙牛油棒、朱古力榛子餅、玉桂杏仁餅及草莓花塔餅，適合當聖誕禮物。

food allee GALLERY
地址：灣仔堅彌地街 22 至 28 號地下

文：Theo、攝：Chow

DEY828

Some pictures maybe?

爱国爱港

DEY828 发表于 2016-12-23 13:43
Some pictures maybe?

You may Google them.